Árni Björnsson

Árni Björnsson (f. 16. janúar 1932) er íslenskur þjóðháttafræðingur. Hann var forstöðumaður þjóðháttadeildar Þjóðminjasafns Íslands frá 1969 til 2002. Hann er einkum þekktur fyrir skrif sín um íslenskar hátíðir og tyllidaga og siði og þjóðtrú sem tengjast þeim. Þekktasta verk hans er líklega Saga daganna (1977) en sú bók er jafnframt doktorsritgerð hans, sem hann varði 1993.

Í tilefni af 85 ára afmæli Árna 2017 var mikið greinasafn eftir hann gefið út á bók undir nafninu Í hálfkæringi og alvöru. Þar eru þættir um fræði, skáldlist, menningarsögu, heimsmálin og einkennilega menn. Bókin er 848 síður að stærð og gefin út af Hinu íslenska bókmenntafélagi.

Helstu rit

Jól á Íslandi - 1963
Saga daganna (fyrri gerð) - 1977
Icelandic Feasts and Holidays - 1980
Merkisdagar á mannsævinni (fyrri gerð) 1981
Í jólaskapi - Myndir eftir Hring Jóhannesson 1983
Gamlar þjóðlífsmyndir - ásamt Halldóri J. Jónssyni 1984
Þorrablót á Íslandi - 1986
Íslandsmyndir Mayers - ásamt Ásgeiri S. Björnssyni 1986
Hræranlegar hátíðir - 1987
Eyjar í Snæfellsnes- og Dalasýslu - Árbók Ferðafélags Íslands 1989
Íslenskt vættatal - 1990
Saga daganna - doktorsrit 1993
High Days and Holidays in Iceland - 1995
Merkisdagar á mannsævinni - lengri gerð 1996
Dalaheiði - Árbók Ferðafélags Íslands 1997
Wagner og Völsungar - 2000
Saga jólanna - 2006
Í Dali vestur - Árbók Ferðafélags Íslands 2011
Sigursveinn, baráttuglaður brautryðjandi. Ævisaga Sigursveins D. Kristinssonar - 2017
Í hálfkæringi og alvöru. Þættir um fræði, skáldlist, menningarsögu, heimsmálin og einkennilega menn í 85 ár - Afmælisrit 2017
„Um vésögn Sóleyjarkvæðis“ - Í bókinni Sóley sólufegri í ritstjórn Silju Aðalsteinsdóttur 2017
Söguslóðir í Dölum - 2020

Tenglar

Ritaskrá Árna Björnssonar – Af vef Þjóðminjasafns^{[óvirkur tengill]}
Kynning á bókinni Saga jólanna Geymt 14 desember 2009 í Wayback Machine
Framlag ÁB til Árbóka Ferðafélags Íslands – Af vef Ferðafélagsins^{[óvirkur tengill]}
Árni Björnsson: Hljóðritasafnið í Berlín og Jón Leifs Geymt 6 september 2007 í Wayback Machine
Úr Sögu daganna. – Af Visir.is Geymt 13 desember 2010 í Wayback Machine
Hvaða rannsóknir hefur Árni Björnsson stundað - Vísindavefur